වටරැක විජිත හිමියනට බ්‍රහ්ම දණ්ඩනය

ජාතික බලසේනාවේ සභාපති සහ මහියංගන ප්‍රාදේශීය සභාවේ එක්සත් ජනතා නිදහස් සන්ධාන මන්ත්‍රී වටරැක විජිත හිමියනට 2013 අගෝස්තු 13 වැනි දින සිට මහියංගනය සාමග්‍රී සංඝ සභාව විසින් චෝදනා 20 ක් යටතේ බ්‍රහ්ම දණ්ඩනය පැනවූ බව එම සංඝ සභාවේ සභාපති අස්ගිරි පාර්ශ්වයේ ජ්‍යෙෂ්ඨ සංඝ සභික මහියංගන රජමහා විහාර භාරකාර උරුලෑවත්තේ ධම්මරක්ඛිත නාහිමියෝ කියති.

ඌව¡බිංතැන්න දෙපළාතේ ප්‍රධාන සංඝනායක රාජකීය පණ්ඩිත නාපටවෙල සුමනසාර නාහිමියන් ප්‍රධාන විහාරාධිපති හිමිවරුන් 50 නමකගේ අත්සනින් යුතුව බ්‍රහ්ම දණ්ඩනය පැනවූ ලිපිය ත්‍රෛනිකායික මහනාහිමිවරුන්ටද ජනාධිපතිවරයාට සහ බුද්ධ ශාසන අමාත්‍යාංශ ලේකම්වරයා ඇතුළු වගකිවයුතු සියලූ දෙනාට යොමු කළ බව ධම්මරක්ඛිත නාහිමියෝ පවසති.