niruwatha

අද ඔන්න අරන් ඇවිත් තියෙන්නේ ටිකක් අමුතුම විස්තරයක්.මේක දැකලා කවුරුත් මේ දේ කරන්න යනවා හේම නෙමේ.ඔස්ට්‍රියාවේ ජීවත්වන ගෘහනිර්මාණ ඉංජිනේරුවන් දෙදෙනෙකු වන "එරික් සහ රොසැන්ස්කි විසින් එරට "ටර්ෆෙන්ස්" නගරයට සංචාරකයන්ගේ ආකර්ෂණය ලබාගැනීම සඳහා අපූරු නිර්මාණයක් ඉදිරිපත් කර තිබුනා. ඒ නිර්මාණය ගැන කෙටියෙන් , තනි වචනයෙන් හැඳින්වීමක් කරනවානම් මට පහසුවෙන්ම කිව හැකි වන්නේ එය "කණපිට හැරවීමක්" කියලයි.

ඔව් එය ඇත්තටම කනපිට හැරවීමක්.හැබැයි එය එසේ මෙසේ කණපිට හැරවීමකුත් නොව නිවාසයක උඩ සහ යට කණපිට හැරවීමකුයි.අනෙක් සෑම නිවසක මෙන්ම මෙම නිවසේද සියලුම බඩු භාහිරාදිය නොඅඩුව තිබෙන අතර ඒවා තිබෙන ස්ථානය වෙනස් වී ඇත.එනම් සාමාන්‍ය නිවසක පොළොවේ සවි කරන එම බඩු භාණ්ඩ මේ නිවසේ නම් ඇත්තේ වහලයේ එල්ලෙමිනුයි.තවද සංචාරකයන්ගේ වැඩිම ඉල්ලුම දිනාගෙන ඇත්තේ මෙම නිවසේ නාන කාමරයයි.එසේම නිවසේ ඇති සියලුම කොටස් අතර එකිනෙකට නොදෙවෙනි තරඟයක් ඇති බවද මේ දෙස බලන ඕනෑම කෙනෙකුට දැකගත හැකි දෙයක් වනවා නොඅනුමානයි.
චතුරි දේවින්දි