මුස්ලිම් කඩේ fiton room අසහනකාරයා දැලේ ?

බදුල්ල බසාර් වීදියේ පිහිටි මුස්ලිම් ව්‍යාපාරිකයකුට අයත් නිමි ඇඳුම් වෙළෙඳසලකට පසුගිය 10 වැනිදා සවස ඇඳුම් මිලදී ගැනීම සඳහා ගිය සිංහල තරුණියක් ඇඳුම් ඇඳ බැලීමට ඇති කුටියක් තුළට ගිය අවස්ථාවේදී ජංගම දුරකතනයෙන් එය වීඩියෝ කළා යැයි සැකපිට එම වෙළෙඳසලේ මුස්ලිම් සේවකයෙක් අත්අඩංගුවට ගත් බව බදුල්ල පොලිසිය පවසයි.

බදුල්ල පීලිපොතගම ප්‍රදේශයේ පදිංචි තරුණියන් දෙදෙනකු මෙසේ නිමි ඇඳුම් මිලදී ගැනීම සඳහා මෙම වෙළෙඳසලට ගොස් ඇත. එහිදී එක් තරුණියක් ඇඳුම් ඇඳ බැලීම සඳහා අදාළ කුටියට ගිය අවස්ථාවේදී සැකකාර මුස්ලිම් තරුණයා ඇඳුම් අසුරන මුවාවෙන් ඉණිමගක නැඟ මෙසේ ඔහුගේ ජංගම දුරකතනයෙන් වීඩියෝ කරන අයුරු අනෙක් තරුණිය දුටු බව පොලිසියට සඳහන් කර තිබිණි.

මෙම තරුණියන් විසින් සිද්ධිය සැල කිරීමෙන් අනතුරුව වෙළෙඳසලට පැමිණි අදාළ තරුණියගේ මවුපියන් සහ ප්‍රදේශවාසීන් මෙම සැකකාර තරුණයාට පහරදී ඇත.

ඉන් බරපතළ තුවාල ලැබූ ඔහු පොලිස් අත්අඩංගුව යටතේ වෛද්‍ය ප්‍රතිකාර සඳහා බදුල්ල මහ රෝහලට ඇතුළත් කර ඇත.
මෙසේ අත්අඩංගුවට පත් පුද්ගලයා බදුල්ල පහළ වීදියේ පදිංචි 25 හැවිරිදි මුස්ලිම් තරුණයකු බව පොලිසිය පවසයි.

බදුල්ල ප්‍රදේශයේ මුස්ලිම් ව්‍යාපාර වර්ජනය කරන්න යයි පවසමින් දැවැන්ත ප්‍රචාරණ ව්‍යාපෘතියක් පසුගිය කාලයේ ඇතැම් සංවිධාන සිදු න්ක්ය්.නමුත් ඔවුන් මේ අවස්තාවේදී නිහඬ පිළිවෙතක් අනුගමනය කරමින් සමස්ථ ශ්‍රී ලාංකිකයන්ට ජාතික සහජීවනය ගැන ආදර්ශයක් වෙමින් සිටී.

ඌව පළාත් භාර නියෝජ්‍ය පොලිස්පති රොෂාන් ප්‍රනාන්දු, බදුල්ල ජ්‍යෙෂ්ඨ පොලිස් අධිකාරි චන්දන ගලප්පත්ති, බදුල්ල සහකාර පොලිස් අධිකාරි 1 ජයන්ත පුෂ්පකුමාර, බදුල්ල මූලස්ථාන වැඩබලන ප්‍රධාන පොලිස් පරීක්‍ෂක එස්.පී.කේ. ගාල්ලගේ යන මහත්වරුන්ගේ උපදෙස් මත බදුල්ල පොලිසිය වැඩිදුර පරීක්‍ෂණ පවත්වයි.