9:57 PM
Unknown
ලෝක කුසලාන පාපන්දු තරගාවලිය ත් සමග ලොව පුරා ඉමහත් ජනප්‍රියත්වයක් ලද බ්‍රසීලයේ සුපිරි ක්‍රීඩක නෙයිමාර් ද සිල්වා සම්බන්ධයෙන් බ්‍රසීලය තුළ උන්මාදයක් නිර්මාණය වී තිබේ.
ක්‍රීඩා විචාරකයින් මෙය හඳුන්වන්නේ, නෙයිමාර්මේනියා (Neymarmania) යනුවෙනි.
විදෙස් මාධ්‍යවල දැක්වෙන්නේ, බ්‍රසීලය තුළ මේ වන විට නෙයිමාර් ද සිල්වාගේ රසික රසිකාවියන් ඔහුට උන්මාදනීය ලෙස ආදරය කරන බව ය.
එහි උච්චතම අවස්ථාවක් බවට පත්ව ඇත්තේ, නෙයිමාර් ද සිල්වාගේ කොණ්ඩා මෝස්තරය යි.
බ්‍රසීලයේ ළමුන් සහ තරුණයින් විශාල පිරිසක් නෙයිමාර්ගේ කොණ්ඩා මෝස්තරය අනුව සිය හිසකෙස් කපා ගැනීමට යොමු වී සිටිති.
බ්‍රසීල මාධ්‍ය වාර්තා කළේ, මේ දිනවල එරට කරණවෑමියන්ට වැඩ අධික වී ඇති බව ය.
ඇතැම් රසිකයින් නෙයිමාර්ගේ නම දිස්වෙන පරිදි සිය හිසකෙස් කපා ගැනීමට පෙළඹී සිටින බව ය.
මේ අතර, තරුණියන් විශාල පිරිසක් ද නෙයිමාර්ගේ නම මුද්‍රණය කරන ලද ටී ෂර්ට් ඇඳීමට පෙළඹී සිටිති.
0 comments:
Post a Comment