"මගේ බහුකාර්ය සේවනයට උදවු කරන්නේ දිනුෂා" ජැක්සන් ඇන්තනී කියයි.

ජැක්සන් ඇන්තනී විසින් අධ්‍යක්ෂණය කරනු ලබන "දස්කොන්" ටෙලි නාට්‍යයේ මුහුරත් උළලේ ජායාරූප එකතුවක් මෙයට පෙර අප විසින් පලකරන ලදී. එම ලිපිය මගින් එහි හෙළිකොට සිටියේ ජැක්සන්ගේ සමීපතම හිතවතියක වන දිනුෂා රාජපතිරණ එම නාට්‍යයේ "කිරි බකිනි" නම් චරිතය නිරූපණය කරනවා බවයි.

විවාහයට පෙර දිනුෂා ජැක්සන් සමග ඉතා සමීපව කටයුතු කල අතර ඔවුන් දෙදෙනා නිරන්තරයෙන් ජැක්සන් ට අයත් නිෂ්පාදන ආයතනයේ දක්නට ලැබුණි. ඉතා කාර්ය බහුල ජීවිතයක් ගතකරන ජැක්සන් ඇන්තනි තමාගේ කාර්ය බහුල දිවියේ කාලය මනාව කළමනාකරණය කිරීම උදෙසා දිනුෂා රාජපක්ෂ ජැක්සන්ගේ "පර්යේෂණ සහයිකාව" ලෙස බඳවාගෙන ඇත. ඒ පිලිබඳ ජැක්සන් ඇන්තනි අදහස් පලකොට තිබුනේ මෙලෙසිනි. 

"බහුකාර්ය සේවනයේ මං හුරුවෙලා හිටියා. අද සංකීර්ණයි. මං ආයතන ගතවෙලා නිසා තවත් කාර්යබහුලයි. මේ සියලු දේ කළමනාකරණය කරන්නෙ දිනූෂා රාජපතිරණ. එයා තමයි ප්‍රධානතම භූමිකාව මාව කළමනාකරණය කිරීමේදී.
ඇය මගේ පර්යේෂණ සහායිකාව. ඒ අතිනුත් උදව් ලැබෙනවා. එහෙම සහායක් නැතුව ගමනක් යන්න අමාරුයි. ඉස්සර නං මං තනියම වැඩ කළා. දැන් සහායිකාවක් අවශ්‍යයි. දිනූෂා තමයි මේ හැමදේටම උදව් කරන්නෙ."